Home Remedies for cold flu

Cold Flu Home Remedies When season became change, autumn is coming after spring or winter is coming after summer. Between these season people are effect in cold flu and cough diseases. These are caused by allergy or virus. We can treatment of this by home remedies which are very benefit of cold flu and cough. Ginger is a natural herb that is used as a spice worldwide. Ginger has various health benefits, it is also, good source of vitamins A, C, E, and B-complex, magnesium, phosphorus, potassium, silicon, sodium, iron, zinc, calcium and beta-carotene. Ginger is sufficient used for cold fever and headache in chinese home remedies. Garlic is known as good natural treatment for cold, flu and cough and it has benefit with honey. For treatment of cold flue and cough, crushed one garlic with peel put in to a bowl, pours 1 ½ cup water then boils this slow flame for 20 minutes. ½ lemon and 2 tbsp honey mixed with this. Heat this mixture for 2 or 3 minutes. Cold this mixture and keep in a jar or bottle. It is able to use for 2-3 week in refrigerator. Take this mixture 1 tsp daily 3 times. You can find in this page Nazla zukam ka totka, nazla zukam ka desi ilaj, nazla zukam ka desi ilaj in urdu, nazla zukam ka desi ilaj in hindi, nazla zukam ka gharelu ilaj, nazla zukam khansi ka ilaj, gharelu nuskhe for cough, home remedy for cough in urdu

Nazla Zukam ka Totka, Gharelu Ilaj

Jab mausam karwat badalta hai, bahar ke baad khizan apne rung dekhati hai sardiyan garmiyon se gale mil rahi hoti hain ya garma ke baad sarma ki aamad hoti hai is waqt ka darmiyani arsah khansi , nazlah zukam gale mein kharash aur bukhar jaise mosami amraaz ko buhat saz gar mahol farahum karta hai. Yeh shikayatein amooman allergy ya phir virus aur jaraseem ki wajah se hoti hain jin mein mein desi tarika ilaj ko buhat mufeed paya gia hai. In gharilu totkon ka aik faidah yeh bhi hai keh inhein aazmane mein side effects ka koi khatrah nahi hota . Ginger (Adrak se Ilaj) Adrak ko rawaiti chini tarika ilaj mein thand ke sath bukhar sar dard aur pathon ke dard mein kasrat se istemaal kia jata hai aur ibtedayi dor ke Europi jari bootiyon ke mahir bhi ise nazlah zukam ka shafi ilaj tasleem karte the. Adrak mein yeh khoobi hai keh yeh jism ke mudafati nizam ko taqtwar banati hai. Iski garam, dafa sozish aur tawanayi bahal karne wali khasoosyat ise nazlah zukam ki qeemti dawa ka darjah deti hain. Is ka tikha zaiqa doran e khoon ko tez karta hai. Jism se fasid madon ko kharij karta hai, band naak kholta hai aur lungs mein jama shudah balgham ko nikalta hai. Adrak aur lemon ko mila kar aik khush zaiqah sharbat bhi tiyar kia ja skta hai. Is mqsad ke liye adrak ke 115 gm wazni gukre ko dho kar achi tarah kutar lein aur ise 600 ml pani se bhare bartan mein daal dein. Yeh bartan aluminum ka na ho , is ke baad aik lemon ko kaddu kash karein aur chilke samet guda bartan mein shamil kar dein albattah lemon ke beej nikal lein is mien aik chutki bhar surkh pisi mich milayein aur pani ko dhimi aanch par 20 minute tak kholne dein. Is doran baqi bache huye lemon ko aik cup mein nichorein. Jab adrak ka aameza pak kar tiyar ho jaye to ise chulhe se utar lein aur thori der thanda hone dein. Iske baad ise aik cup mein nikalein. Is mein lemon ka ras shamil karein aur zaiqe ke liye shehad bhi mila dein. Is neem garam khush zaiqah aameze ko din mein kayi bar bil khasoos raat ko sone se pehle istemaal karne se nazlah zukam mein kafi aaram milta hai. Gulab  Gulab ki pankhariyon mein mojood vitaminz aur degar ghizaiyat bakhsh ajza fori tor par jism mein jazb ho kar asar dekhati hain. Gulab ka joshandah tiyar karne ke liye tazah aur khushk donon qisam ki pattiyan istemaal ki ja skti hain. Kaha jata hai keh aik ausat size ke sngtare se 20 guna ziadah vitamine C gulab ke aik phool mein hota hai. Gulab ki chaye tiyar karne ke liye gulab ke do teen pholon ki pankhariyon ko raat bhar pani mein bhigo ke rakhein. Is ke baad 2 ½ cup pani ko aluminum ke sewa kisi aur bartan mein kholayein. Is mein gulab ki phooli huyi pattiyan dal dein aur tqreeban 30 minute tak halki aanch par josh dein. Is ke baad is aameze ko chan kar aik cup mein nikal lein. Ji chahe to mithas ke liye is mein thora sa shehad shamil kar lein aur din mein khane ke waqfe ke doran is joshande ki chuskiyan lein. Is tarh jism se fasid made ke akhraj mein madad mile gi aur nazlah zukam sar dard mein afaqah hoga. Jangli Podina Jangli podina ya thyme mein aik tezi se ur jane wala tel thymol paya jata hai. Jis mein intehayi jaraseem kash khasoosyat hoti hain jis ki wajah se jism ke mudafati nizam ko fayal karne mein yeh podina aik tonic ka darjah rakhta hai aur is ke bais sine mein jame balgham ko nikalne mein aur sans ki nalyon ke kheinchao mein aaram milta hai. Joshande ke tor par is ki pattiyan aur phool donon istemaal kiye jaskte hain. Lehsun ke Fawaid  Lehsun mein taqat war jaraseem kash aur virus ko khatam karne wali khoobyan payi jati hain. Nazlah zukam aur khansi ka yeh behtareen qudrati ilaj samjha jata hai aur sehad ke sath is ka istemaal buhat mufeed rehta hai. Nazlah zukam se bachao ya ilaj ke liye chilka samet aik lehsun ke tamam jawe ko hawan daste mein ya sil batte par kuchal lein. Is ke baad ise aik bartan mein daal kar 1 ½ cup pani dalein aur bartan ko dhak kar tqreeban 20 minute tak halki aanch par garam karein. Is ke baad lemon ½ kaat kar is mein nichorein aur 2 tsp ki mqdar shehad mila dein. 2-3 minute tak mazeed garam karein. Phir aameze ko thanda hone ke baad nithar kar aik saaf gehre rung ke shishe ke jar ya botal mein mehfooz kar lein jis par mazboot dhakan laga ho. Yeh sharbat do teen hafte tak refrigerator mein istemaal ke qabil rehta hai. Rozana 1 tsp ki mqdar yeh sharbat din mein teen bar istemaal karein. Bhaap Lena  Khoob garam pani mein makhsoos khushboodar tel.( essential oil) ke chand qatre shamil kar ke agar is bhap ko sans ke raste andar khencha jaye to is se sans ki nalyon mein garmi puhanchti hai aur vo martoob ho jati hain. Tel mile huye bhap se band naak kabhi khul jati hai aur balgham paida karne wali jhilliyan dhili ho kar balgham ko bahir kharij kar deti hain. Khushboodar bhap se ziada faida uthane ke liye behtar hoga keh pani ko ziada se ziada garam kia jaye aur garam bhap kehinchi jaye tahum bhap itni garam na ho keh is se nathne jalne lagein ya halaq mein kharash par jaye. Kholte huye pani mein amooman uclipts aur ka tea tree se kasheed karda tel shamil kiye jate hain jo bazaar mein aam dasteyaab hain . Yeh donon tel jaraseem virus aur fungus ke khatme mein ahum kirdar ada karte hain. Bhap lene ke liye pehle aik ketli mein pani boil karein aur phir aik khule chore munh wale bartan mein tqreeban dhayi cup kholta pani undelein iske baad kajoo pat tel ke 3 qtre is mein tapkayein. Phir apne head aur shoulder ko aik towel se dhanp kar kheme ki shakal de kar bhap ko andar kheinchein. Jon jon tel pani mein hal ho kar bhap ke sath upper uthe aap jetni gehri sans leskte hain lein is tarah tel apna asar dekahye ga. Band naak khul jaye gi. Sans ki nalyon mein mojood jaraseem aur virus ka khatmah hoga aur nazlah zukam ki doosri alamtein door ho jayein gi. Kajoo pat aur uclipts ke tel dsteyaab na hon to rosemary aur pudina ka tel se bhi isi tarah ke fawaid hasil kiye ja skte hain.